06 Boiro - Ribeira (Aguiño)

Este percorrido costeiro pola península do Barbanza nos permite ter unha visión panorámica de toda a ría de Arousa, visitar algunha das vilas mariñeiras galegas mais importantes e coñecer a industria marisqueira da ría.

Saida de Boiro polo carril bici do paseo marítimo, continuamos pola beiriña paralelos á estrada AC-305, na que no PQ.5 pedalearemos uns 50mt pola súa marxe esquerda. Logo voltamos a incorporarnos á mesma, tras outros 100mt nos desviamos á esquerda dirección Praia Os Raposiños, e no PQ. 6,5 cruzamos a AC-305 e unha pontiña do río Lérez, e tras unha forte subida de 50mt continuamos por estradas secundarias ata Pobra do Caramiñal. Aquí existe a posibilidade de subir ás pozas do Río Pedras.

Dende alí continuamos pola beiriña ata chegar a un campo de fútbol que bordeamos por unha pasarela de madeira que nos leva no PQ. 11,5 ata a punta de Cabio, un precioso mirador que nos permite observar case todo o percorrido destes Encontriños 2018. Logo a praia de Cabío, enseada de Palmeira que nos leva á vila pesqueira co mesmo nome onde ainda é habitual a pesca en Dorna. En Palmeira chegamos ao final do porto no PQ. 16 e cruzamos polo medio do pobo nunha pequena subida, e ao pouco chegamos a Ribeira. Dende alí ata Aguiño continuamos pola beiriña por carril bici, estradas secundarias e pasarelas de madeira.